काठमाडौ । अन्तर्राष्ट्रिय महिनावारी स्वच्छता दिवसको अवसरमा "सुरक्षित महिनावारी हाम्रो प्रतिबद्धता" भन्ने नाराका साथ एक्सपोज नेपालले वृहत साइकल र्याली आयोजना गरेको छ।
उपत्यकाव्यापी साइकल र्यालीको उद्घाटन गर्दै उपसभामुख इन्दिरा रानामगरले महिलाहरूको महिनावारीलाई सुरक्षित बनाउन राष्ट्रिय योजनाभित्र राख्नुपर्नेमा जोड दिनुपर्ने बताएकी हुन् । राणाले सुरक्षित महिनावारीलाई राष्ट्रिय योजनाभित्र राखेर नेपालमा उत्पादन भएका घरेलु प्याडलाई विशेष प्राथमिकताका साथ प्रयोगमा जोड दिने बताइन् । उनले नारी मात्र नभएर पुरूष पनि महिलाहरूको महिनावारीमा उतिकै जिम्मेवारी बन्नुपर्ने बताइन् । उनले जनचेतनामा महिला मात्र होइन, पुरूष पनि जोडिने हुनाले पुरूषको पनि साथ सहयोग आवश्यक रहेको बताइन् । उनले विश्वका महँगा कपडा जेलरहरूले उत्पादन गरिने भन्दै घरेलु प्याड पनि जेलरहरूलाई प्रशिक्षण दिएर उत्पादनमा लगाउनुपर्ने बताइन् ।
एक्सपोज नेपालले हरेक वर्ष २८ मेका दिन राष्ट्रिय महिनावारी दिवस मनाउँदै आइरहेको छ । एक्सपोज नेपालले सन २०१५ देखि निरन्तर महिला हिंसा, यौन हिंसा, यौनिकता र महिनावारीलगायतका काममा सक्रिय रहँदै आएको छ ।
उपत्यकाको काठमाडौं, भक्तपुर र ललितपुरबाट आयोजना गरिएको साइकल र्यालीमा भक्तपुर साइकल कनेक्ट, काठमाडौं कोरालगाएतका टिम गरी कुल तीन सय ५७ साइकलयात्री सहभागी भएका छन् ।
कार्यक्रममा एक्सपोज नेपालका अध्यक्ष ज्ञान महर्जनले नेपालमा उत्पादित घरेलु प्याडलाई सरकारले प्राथमिकता दिनुपर्ने र ९० प्रतिशत केमिकलयुक्त प्याडलाई सरकारले प्राथमिकताको सूचीबाट हटाउनुपर्ने बताए । उनले सन २००७ देखि सुरु भएको एक्सपोज नेपालले २०१५ देखि सक्रिय रहेर हालसम्म आउँदा ७ हजार २ सय जनालाई घरेलु प्याड उत्पादन प्रशिक्षण सञ्चालन गरेको जानकारी दिए ।
-1793514539.jpeg)
-1784798541.jpg)
