काठमाडौँ । दिनप्रतिदिन डेंगु संक्रमण बढ्दै गएपछि धरान उपमहानगरपालिकाका मेयर हर्क साम्पाङले स्वास्थ्य सेवा विभागसँग सहयोग माग गरेका छन् । उनले किट अभाव भएकोले डेंगु परीक्षणका लागि १० हजार किट माग गरेका छन्।
दिनप्रतिदिन डेंगीका बिरामी बढेकाले आवश्यक सामग्रीको अभाव भएको उनले बताएका छन् । उनले बुधबार विभागलाई पत्र लेख्दै दश हजार डेंगी परीक्षण र आवश्यक औषधि माग गरेका हुन्।
उनले धरान क्षेत्रमा महामारीको रुपमा फैलिएको डेंगी फैलिएकाले दिनप्रतिदिन बिरामीको संख्या बढिरहेको बताएका छन्। उपमहानगरले अस्थायी डेंगी रोग स्वास्थ्य केन्द्र, निःशुल्क डेंगी परीक्षण केन्द्र र वडा कार्यालयको आधारभूत स्वास्थ्य केन्द्रमा दक्ष जनशक्तिमा उपचार भइरहेको उनले पत्रमा उल्लेख गरेका छन्।
‘हाल केही महिनादेखि व्यापक रुपमा फैलिएको र केहीको ज्यानसमेत लिइसकेको डेंगी धरानमा अत्यधिक मात्रामा बढेको छ,’ उनले भनेका छन् ।धरानमा हालसम्म डेंगीका कारण मृत्यु हुनेको संख्या ११ पुगेको छ ।
-1793514539.jpeg)
-1784798541.jpg)
