सल्यान । दुवै मृगौला फेल भएर उपचारको अभावमा छटपटाइरहेकी सल्यान सिद्धकुमाख गाउँपालिका १ कागखोलाकी शर्मिला चलाउनेको परिवारले उपचारका लागि सहयोग गरिदिन आग्रह गरेका छन् ।
दुवै मिर्गौला फेल भएर निरन्तर डाइलाइसिस गराइरहेकी १२ वर्षीया शर्मिलाको मृगौला प्रत्यारोपण गर्न पैसा अभाव भएकाले आर्थिक रकम सहयोग गरिदिन उनका बुवा पेशल चलाउने र आमा अनिता चलाउनेले आग्रह गरेका छन् ।
करिब २ महिनाअघि दुवै मृगौला बिग्रिएपछि १२ बर्षकी शर्मिलाको सातामा दुई पटक डाइलाइसिस गरिरहनु परेको उनकी आमा अनिता चलाउने बताए ।
शर्मिलालाई सुरुमा सामान्य रोगले च्यापेपछि दाङको घोराहीमा सामान्य उपचार गरिए पनि व्यथाले च्याप्दै गएपछि अहिले काठमाडौँको महाराजगन्जस्थित त्रिवि शिक्षण अस्पताल ९टिचिङ अस्पताल०मा उपचाररत छिन् । शर्मिलाको उपचार गराउँदा अहिलेसम्म भएभरको पैसा सकिएको बुवा पेशल चलाउनेले बताए ।
अहिले शर्मिलाको ऋण सापट गरेर जेनतेन निरन्तर डाइलाइसिस गराइरहेको बुवाको भनाई छ । आर्थिक अवस्था न्यून भएका कारण छोरीको उपचारमा समस्या भएको उनको भनाई छ । बिरामी छोरीको उपचारको लागि सहयोगी सङ्घसंस्था र व्यक्तिले सहयोग गरिदिए छोरीले नयाँ जीवन पाउनसक्ने आमा अनिता चलाउने बताए ।
सहयोगको लागि लक्ष्मी बैङ्क लिमिटेडमा आमा अनिता चलाउनेको खाता नम्बर ०४०२३०१६७१६ मा सहयोग गरिदिनुहुन अनुरोध गरिएको छ । सम्पर्कका लागि मोबाइल नम्बर ९८१२८०३८३६ रहेको छ ।
-1793514539.jpeg)
-1784798541.jpg)
