उपचारको क्रममा बालिकाको मृत्यु हुँदा तीन चिकित्सक नियन्त्रणमा

समाचार

गृहपृष्ठ
समाचार
उपचारको क्रममा बालिकाको मृत्यु हुँदा तीन चिकित्सक नियन्त्रणमा

उपचारको क्रममा बालिकाको मृत्यु हुँदा तीन चिकित्सक नियन्त्रणमा

महिला स्वास्थ्य शुक्रबार, कात्तिक २३, २०८१

डोटी। डोटीको राजपुरस्थित सुजङ अस्पतालमा उपचारका क्रममा एक बालिकाको मृत्यु भएपछि प्रहरीले तीन जना चिकित्सकलाई नियन्त्रणमा लिएको छ । उपचारका क्रममा लापरबाही गरेको आरोपमा प्रहरीले तीन जना चिकित्सकलाई नियन्त्रणमा लिएर अनुसन्धान सुरु गरेको छ ।

घरमा खेल्ने क्रममा लडेर बायाँ हात भाँच्चिएर घाइते भएकी डोटी दिपायल सिलगढी नगरपालिका–३, दिपायलकी नौं वर्षीया रजनी भुलको उपचारको क्रममा मृत्यु भएको हो । सामान्य उपचारपछि बुधबार राति करिब ८ बजे शल्यक्रियाका लागि बालिकालाई बेहोस गर्ने क्रममा औषधिले असर ९रियाक्सन० गरी मृत्यु भएको जिल्ला प्रहरी कार्यालय डोटीले जनाएको छ ।

बालिकाका आफन्तले डाक्टरको लापरबाहीका कारण मृत्यु भएको भनेपछि प्रहरीले उपचारमा संलग्न तीन जना चिकित्सकलाई अनुसन्धानका लागि प्रहरीले लिएको हो । चिकित्सकहरू डा.राजमणि यादव, डा. सुरेन्द्र कुमार चौधरी र डा. अबिशेक यादव प्रहरी नियन्त्रणमा लिएको हो।

प्रकाशित मिति: शुक्रबार, कात्तिक २३, २०८१