केरला । ओणमको पूर्वसन्ध्यामा मालापुरमकी ४५ वर्षीया शोधना नामकी दलित महिलाको दुर्लभ संक्रमण ‘नाग्लेरिया फालेराई’का कारण मृत्यु भएको छ। ‘गिदी खाने अमीबा’ भनिने यो सूक्ष्म जीव नाकमार्फत शरीरमा पस्दै मस्तिष्कमा घातक असर गर्छ।
यो वर्ष केरलामा ७० जनामा संक्रमण पुष्टि भइसकेको छ र १९ जनाको ज्यान गइसकेको छ। संक्रमितमध्ये तीनमहिने शिशुदेखि ९२ वर्षीयसम्म छन्। प्रायः नदी, पोखरी वा कुवाको पानीबाट संक्रमण हुने यो रोगलाई प्राइमरी अमीबिक मेनिन्जोएन्सेफलाइटिस (PAM) भनिन्छ।
सन् २०१६ देखि यस्ता घटना देखिँदै आएका छन्। गत वर्षको तुलनामा यस वर्ष बिरामी बढे पनि मृत्यु दर केही घटेको चिकित्सकहरूले बताएका छन्। शीघ्र रोग पत्ता लाग्दा एन्टिमाइक्रोबायल औषधि र स्टेरोइडको मिश्रणले जीवन बचाउन सहयोग गरिरहेको जनाइएको छ।
-1793514539.jpeg)
-1784798541.jpg)
