काठमाडौँ । प्रधानमन्त्री सुशीला कार्कीले आन्दोलनरत नर्सहरूको माग सम्बोधनका लागि स्वास्थ्य मन्त्रालयलाई तत्काल कदम चाल्न निर्देशन दिए । प्रधानमन्त्री तथा स्वास्थ्य मन्त्रीको जिम्मेवारी समेत सम्हालिरहनुभएकी कार्कीले आज स्वास्थ्य सचिव डा. विकास देवकोटालाई बोलाएर समस्या समाधानका लागि पहल गर्न र प्रगतिबारे नियमित रिपोर्ट दिन आदेश दिए ।
उनले दक्ष स्वास्थ्यकर्मीलाई न्यून पारिश्रमिकमा राख्नु अन्यायपूर्ण भएको उल्लेख गर्दै, “समयमै समाधान नगरे वैदेशिक पलायनको जोखिम बढ्छ,” भन्दै चेतावनी दिए । हाल कास्कीस्थित मणिपाल र गण्डकी मेडिकल कलेजमा कार्यरत नर्सहरू पाँचौँ तह बराबरको पारिश्रमिक माग गर्दै आन्दोलनरत छन् ।
स्वास्थ्य मन्त्रालयले गत मङ्सिरमा देशभरका नर्सहरूलाई मासिक रु ३४,७३० पारिश्रमिक दिनुपर्ने निर्णय गरेको थियो । तर उक्त निर्णय कार्यान्वयन नभएकाले नर्सहरूले विरोध जनाइरहेका छन् ।
प्रधानमन्त्री कार्कीले नर्सहरूको न्यायोचित मागलाई बेवास्ता गर्न नहुने भन्दै मन्त्रालय, अस्पताल प्रशासन र सम्बन्धित निकायहरूलाई जिम्मेवार ढंगले समाधान खोज्न आग्रह गरे ।
-1793514539.jpeg)
-1784798541.jpg)
