काठमाडौँ । स्वास्थ्य बीमा बोर्डले २०८२ चैत मसान्तसम्म सेवा प्रदायक स्वास्थ्य संस्थालाई स्वास्थ्य बीमाबापत गर्नुपर्ने भुक्तानी सम्पन्न गरेको जनाएको छ।
बोर्डका अनुसार उक्त अवधिसम्म सेवा प्रदायक स्वास्थ्य संस्थालाई स्वास्थ्य बीमाबापत कुल रु दुई अर्ब ६ करोड ४३ लाख ३४ हजार भुक्तानी गरिएको छ। बोर्डले बिहीबार सेवा प्रदायक स्वास्थ्य संस्थालाई भुक्तानीसम्बन्धी परिपत्र गर्दै २०८२ सालसम्मको भुक्तानी दायित्व पूरा भएको जानकारी गराएको हो।
स्वास्थ्य बीमा बोर्डले सेवा प्रदायक स्वास्थ्य संस्थालाई विभिन्न चरणमा भुक्तानी गर्दै आएको छ। बोर्डको आधिकारिक विवरणअनुसार २०८३ सालमा पनि सेवा प्रदायक स्वास्थ्य संस्थालाई नियमित रूपमा भुक्तानीसम्बन्धी सूचना जारी भएका छन्। पछिल्लो समय २०८३ असारसम्मको भुक्तानी तथा विपन्न नागरिक उपचारअन्तर्गतका रकमसमेत भुक्तानी गरिएको विवरण बोर्डले सार्वजनिक गरेको छ।
स्वास्थ्य बीमा कार्यक्रम सरकारले नागरिकलाई स्वास्थ्य उपचारमा हुने अनपेक्षित आर्थिक भारबाट संरक्षण गर्ने उद्देश्यले सञ्चालन गरेको सामाजिक स्वास्थ्य सुरक्षा कार्यक्रम हो। यो कार्यक्रम २०७२ चैत २५ गतेदेखि सुरु भएको हो।
बोर्डले सेवा प्रदायक संस्थालाई समयमै भुक्तानी उपलब्ध गराउँदा स्वास्थ्य बीमा कार्यक्रमअन्तर्गत सेवा प्रवाहलाई थप सहज बनाउन सहयोग पुग्ने जनाएको छ।
-1793514539.jpeg)
-1784798541.jpg)
