काठमाडौं । आजको तनावपूर्ण जीवनशैली र असन्तुलित खानपानका कारण धेरै महिलाहरूको कपाल २०/३० बर्षको उमेरमै सेतो हुँदै गइरहेको छ। यद्यपि यो समस्या वंशानुगत हुन सक्छ, तर आयुर्वेद र परम्परागत घरेलु उपायहरूले कपाल सेतो हुने गति कम गर्न वा रोक्न सक्दछ।
कपाल चाँडै सेतो किन हुन्छ ?
तनाव, हर्मोन असन्तुलन, पोषक तत्वको कमी (विशेष गरी भिटामिन B12 र आईरन), थाइराइड समस्या, र रासायनिक उत्पादनहरूको अत्यधिक प्रयोगले समयभन्दा अगाडि कपाल सेतो हुन सक्छ।
यी ५ घरेलु उपाय महिलाहरूको लागि उपयोगी हुन सक्छन् :
१ कढी पात र नरिवल तेल
एक मुठ्ठी कढी पातलाई नरिवलको तेलमा उमाल्ने। चिसो भएपछि बोतलमा राखेर हप्तामा दुईपटक टाउकोमा मसाज गर्ने। कढी पातले मेलानिन उत्पादनमा सहयोग गर्छ।
२ अमला
भिटामिन C र एन्टिअक्सिडेन्टले भरिएको अमलालाई तेल वा पेस्टको रूपमा प्रयोग गर्न सकिन्छ। यसले कपाललाई प्राकृतिक रूपमा पोषण दिन्छ।
३ कालो चियाको पानीले धुने
गाढा कालो चिया बनाउने र चिसो भएपछि कपालमा प्रयोग गर्ने। २० मिनेटपछि चिसो पानीले धुने । यसले कपाललाई गाढा बनाउने र चमक दिने गर्छ।
४ प्याजको रस
प्याजमा पाइने क्याटालेज नामक एन्जाइमले कपालको जरा वरिपरि जमेको हाइड्रोजन पेरोक्साइड घटाउने काम गर्छ। प्याजको रस टाउकोमा ३० मिनेट लगाएर राख्ने र पछि राम्ररी धुने।
५ मेहन्दी र कफीको मास्क
मेहन्दी पाउडरमा कालो कफी र थोरै दही वा कागती मिसाएर मास्क बनाउने। यसले कपाललाई प्राकृतिक रूपमा रंग दिने मात्र होइन, मुलायम पनि बनाउँछ।
रासायनिक रङले कपाललाई तुरुन्तै रंग त दिन सक्छ, तर घरेलु उपायले कपाललाई भित्रदेखि स्वस्थ बनाउँछ। आउनुहोस्, परम्परागत विधिहरू अपनाऔं र आफ्नो प्राकृतिक सौन्दर्य जोगाऔं।
